BUBUR INSTAN

Duuuuuuuh para penongtonnnn (he he he gaya lenong dikit ah)
Penongton : Ade ape mpok dodol?
Mpok Dodol : Begini neee, Aye punya cerita
Penongton : Apaan tuh
Mpok Dodol : Pan kemarenan anak aye di rawat tuh di Rumah Sakit kena ntu penyakit demam berdarah
Penongton : bisik..bisik.. (kasian yee mpok dodol)
Mpok Dodol : bukan itu nyang aye mo critain, begini niii
Pan aye pulang bentaran kemaren ke rumah ngambil bekel makanan tuhhh, trusnya aye liat di lemari aye masih ada tuh si bubur instant yang tinggal tuang pake aer panas. Trus aje aye bawa. Nah pas deket rs aye mampir dulu tuh ke Supermarket deket si RS.
Penongton: terus mpok ngapain tuh di Supermarket??
Mpok Dodol: Sabar aje kali yee, nih aye lanjutin, trusnye aye blanja bentaran trus aye inget deh aye cuman bawa si bubur instant satu bungkus jadi kagak cukup lah pan di rumah sakit ntu ade si demplon tuh adek aye nyang kudu kita empanin juga, jadilah aye beli satu lagi si bubur instant.
Pas aye ambil tuh bungkusan aye agak2 bingung n mikir “perasaan bubur instant nyang tadi aye bawa dari rumah tipis bungkusnya, nyang ini knape tebel bener yak? Ah mungkin aje nyang aye bawa di rumah krupuknya dah ancur mangkenye jadi tipis bungkusnya.
Pas sampe RS aye langsung ngebongkar bungkusan nyang aye bawa deh trus dengan bangganye aye bilang tuh ame si demplon,
Mpok Dodol : Demplon, elu laper kagak??
Demplon : Iye nih mpok, beli apaan tadi di supermarket
Mpok Dodol : Jangan khawatir aye bakalan nyelamatin idup lo nih satu aye beli barusan bubur instant, yang satu lagi nih TA DA AAAA !!! dengan gaye nyang canggih nan sotoy si mpok Dodol bgaya pesulap nyang nampilin sulapan barunya, aye persembahkan BUBUR INSTAN!!!
Mpok Dodol : sambil bergaya ngeluarin si bubur instant dari kantong plastik dan menemukan kenyataan bahwa yang dibawanya adalah “BUMBU MASAK NASI GORENG”
Demplon : GUBRAKS, pingsan terguling-guling klaperan
Mpok Dodol : mesem, mesem he he he he he
Mpok Dodol: Begitu deh critanye penongton
Penongton: ----------------------------------------
Mpok Dodol : Wooooi, penongton, lah knape elu jadi pade pingsan gitu?? He he he
Penongton (dalem ati) : pura-pura pingsan aje coy, daripade ketularan gokil